З выяваў фотаздымкаў паўстае зьмястоўная карціна ці не ўсяго самага адметнага, што ёсьць у беларушчыне: абразы й народныя строі, замкі й бажніцы, разлогі палёў і люстры азёраў, сталіца Мінск ды іншае. Да кожнага здымка ёсьць дакладны і змястоўны подпіс. Так сама ўтрымліваецца сьціслы гістарычны нарыс у якім аўтар здолеў вытрымаць адпаведны балянс – для першага знаёмства з краінаю сказана ўсё самае галоўнае. Вельмі дарэчы і камерны фармат выданьня 210х148 мм., які робіць альбом добрым сувенірам.

Фотаальбом «Беларусь».
Аўтар-укладальнік і мастак: Дзяніс Раманюк
ISBN 978-985-90398-3-6