Гэтая кніга дорыць яркія эмоцыі. Беларусь — краіна шчырых людзей і прыгожых краявідаў. На старонках фотаальбома «Беларусь. Маленькая кніга пра вялікую краіну» можна пазнаёміцца з багатай і самабытнай культурай беларусаў, палюбавацца цудоўнымі беларускімі краявідамі і шматлікімі помнікамі.

У кнізе прыводзяцца кароткія гістарычныя даведкі пра ўсе абласныя гарады, кожны з іх прадстаўлены фотаздымкамі.

Раздзел пра народныя рамёствы паказвае іх разнастайнасць і адлюстроўвае выключнае майстэрства беларускіх майстроў. У альбоме можна пабачыць вынікі гэтага майстэрства — вырабы з саломкі і гліны, народнае адзенне, вышываныя ручнікі, маляваныя дываны і куфры, тканыя паясы і посцілкі…

Архітэктуру Беларусі прадстаўляюць у альбоме найбольш цікавыя помнікі дойлідства — сярод іх і вельмі вядомыя — як, напрыклад, палац Радзівілаў у Нясвіжы ці Успенскі сабор у Жыровічах, — так і малавядомыя, але не менш цікавыя аб’екты архітэктуры, такія як будынак Брэсцкага чыгуначнага вакзала ці татарская мячэць у Іўі.

Фотаальбом дае магчымасць пабачыць хараство беларускай прыроды. Праглядаючы фотаздымкі вядомых азёр і рэк — такіх, як Нарач і Браслаўскія азёры, Прыпяць, Нёман і Дняпро, — а разам з імі і сціплых, але не менш прыгожых куточкаў Беларусі, нельга не адчуць прыгажосць і маляўнічасць беларускай зямлі.

Беларусь насяляюць працавітыя, добразычлівыя і гасцiнныя людзі — іх фотаздымкі сустракаюцца па ўсёй кнізе і напаўняюць яе жыццём, і гэта робіць кнігу вельмі душэўнай і сучаснай.
  • Malaja_B_min_Ramaniuk
  • bel_1_blak
  • vokladka_Barhatkou_www_min
  • vokladka_Belarus_2_1_min
  • vokladka_Charnobyl_www_min
  • vokladka_Kryzhy_www_min
  • vokladka_Shliah_www_min
  • vokladka_Siniavok_www_min
  • vokladka_Stroi_www