У 2013 годзе выдавецтва Дзяніса Раманюка выпусціла новы фотаальбом «Беларусь. Маленькая кніга пра вялікую краіну». У гэтай маленькай паводле фармату і ёмістай паводле зместу кнізе можна пабачыць ці не ўсё самае цікавае, што ёсць у Беларусі: замкі, бажніцы, разлогі палёў і люстры азёр, творы народнага мастацтва, вялікія гарады і ўтульныя мястэчкі, прыгожыя краявіды і людзей Беларусі. Невялікі фармат выдання робіць яго цудоўным і зручным сувенірам. Кожны экзэмпляр кнігі ўкладзены ў футарал і адмысловы папяровы пакет, што падкрэслівае яе арыгінальнасць.

Альбом узнагароджаны дыпломам I ступені на Беларускім рэспубліканскім конкурсе «Мастацтва кнігі – 2014» у намінацыі «Лепшы фотаальбом».

Гэты альбом адрозніваецца ад іншых кніг пра Беларусь сваім арыгінальным памерам — 10х10 см — пры значнай таўшчыні, роўнай 3,5 см. Аб’ём кнігі — 320 старонак, на якіх размешчаныя 300 каляровых фотаздымкаў. Кніга выдадзеная ў дзвюх моўных версіях: на ангельскай і рускай мовах і на беларускай і нямецкай мовах.

Альбом «Беларусь. Маленькая кніга про большую страну»
Аўтар: Дзяніс Раманюк
Дзяніс Раманюк, 2013. Мінск
ISBN 978-985-90301-5-4 (на ангельскай і рускай мовах)
ISBN 978-985-90301-6-1 (на беларускай і нямецкай мовах)

 

 

  • Malaja_B_min_Ramaniuk
  • bel_1_blak
  • vokladka_Barhatkou_www_min
  • vokladka_Belarus_2_1_min
  • vokladka_Charnobyl_www_min
  • vokladka_Kryzhy_www_min
  • vokladka_Shliah_www_min
  • vokladka_Siniavok_www_min
  • vokladka_Stroi_www