Аб'ехаўшы ўсе рэгіёны Беларусі, прафесар Міхась Раманюк сабраў унікальны матэрыял пра беларускія крыжы, надмагіллі і пахавальна-памінальны абрад. Вынікам вывучэння і аналізу назбіраных дакументаў стала поўная сістэматызацыя і класіфікацыя матэрыялаў на гэтую спецыфічную тэму.

Манаграфія «Беларускія народныя крыжы» была названая «Кнігай года» на Беларускім рэспубліканскім конкурсе «Мастацтва кнігі – 2002». Таксама яна атрымала на гэтым конкурсе тры найвышэйшыя ўзнагароды:
• прэмію «Найлепшае выданне года»;
• спецыяльны дыплом «Найлепшы фотаальбом»;
• бронзавую статуэтку Беларускай асацыяцыі кнігавыдаўцоў «За найлепшае ўвасабленне беларускай тэматыкі».

Альбомны фармат 24х30 см, 222 старонкі, 386 ілюстрацый, на беларускай мове, з рэзюмэ па ангельску.

Манаграфія «Беларускія народныя крыжы»
Аўтар: Міхась Раманюк
Укладальнік і мастак: Дзяніс Раманюк
Дзяніс Раманюк і Наша Ніва, 2000. Вільня
ISBN 9955-437-08-1