Дзяніс Раманюк нарадзіўся ў 1970 г. у Мінску. Жыве ў Мінску і Вільні. Працуе як выдавец, фатограф, дызайнер, этнограф і мастак. У 1988 г. скончыў Рэспубліканскую школу-інтэрнат па музыцы і выяўленчым мастацтве імя А. Ахрэмчыка. У 1988—1992 гг. студэнт Беларускага тэатральна-мастацкага інстытута (цяпер Беларуская акадэмія мастацтваў), адкуль быў выключаны за прафесійную непрыдатнасць. У 1992 г. з’ехаў у Вільнюс і паступіў у Вільнюскую мастацкую акадэмію, якую скончыў у 1995 г. У 1995—1999 гг. выкладчык Беларускага ўніверсітэта культуры. Сябра Беларускага саюза мастакоў і творчага аб’яднання «Фотамастацтва». З 1997 г. працягвае справу свайго бацькі, прафесара Міхася Раманюка, па вывучэнні народнай культуры і этнаграфіі беларусаў. Ладзіць дзясяткі экспедыцый па тэрыторыі ўсёй Беларусі. У перыяд з 1993 па 2006 г. працаваў над фотапартрэтам старога горада Вільнюса. Адной з прыярытэтных тэм даследаванняў Дзяніса Раманюка стала зона, пацярпелая ад аварыі на Чарнобыльскай АЭС. Вынікам гэтых даследаванняў стала выданне да 20-й гадавіны аварыі мастацка-публіцыстычнага альбома «Чарнобыль», які атрымаў некалькі найвышэйшых узнагарод на міжнародных і рэспубліканскіх конкурсах. Артыкулы Дз. Раманюка па беларускай этнаграфіі і народным мастацтве, як і фотаздымкі, што адлюстроўваюць хараство беларускага краявіду, публікуюцца ў энцыклапедыях, кнігах, часопісах і газетах. Фотаздымкі, матэрыялы і знаходкі, сабраныя Дз. Раманюком, дэманструюцца на выставах, па тэлебачанні і ў радыёперадачах як у Беларусі, так і за мяжой. Сёння галоўная тэма творчасці Дзяніса Раманюка — Беларусь, хараство яе прыроды, культуры, мастацтва і вобраза чалавека.
Дзяніс Раманюк. Выдавец
  • 09_max
  • 116_235_Mihas_Dzianis_1989_max
  • 153-5397_IMG_max
  • 16_max
  • Al_Jarreau_min
  • DSC_0400_min
  • Dz_Kliashchuk
  • Dzianis_001_max
  • Dzianis_min
  • Dzionia_Vadzim_3_min
  • Dzionia_min
  • Gran_Prix_Maskva_max
  • IMG_0931_min
  • IMG_6206_max
  • IMG_6228_max
  • Kliasc02_min_min
  • Mihas_Dzianis_3_A_sa_studentami_BAM_max
  • RW_100411_287_max
  • Untitled-23_max
  • _RW_3582_min
  • backi_1__max
  • dsc_0014_max
  • dzionia_vadzim_8_max
  • img_0288_max
  • img_0808_max
  • img_1012_max
  • img_2369a_max
  • p04060403_max
  • p04081401_max
  • p1010030_max
  • p2270030_max
  • pa170238_max
  • person2_max
  • siamjabw_max